Europäescht Parlament

Seng Aarbechtsweis

D'Membere vum Parlament, also d'Deputéiert, ginn zanter 1979 direkt vun de Bierger fir 5 Joer gewielt. President ass zanter Januar 2017 den Antonio Tajani.

The French and EU flags at half-mast in front of the European Parliament following last night's — European Parliament @ Flickr

Zanter de Wale vun 2014 gëtt et 751 Deputéiert (inkl. Präsident). Hir Zuel pro Memberstaat hänkt of vun deem senger Awunnerzuel: Malta huet der mat 5 am mannsten, no Lëtzebuerg mat hirer 6 bis hin zu Däitschland mat 96 Deputéierten.

Boston9 @ WikiCommons

Bis op 17 fraktiounslous Deputéiert, sinn all an enger vun dësen 7 Fraktiounen vertrueden:

• Europäesch Vollekspartei (EVP) mat 218 Sëtzer (dovun 3 CSV),
• Partei vun den Europäesche Sozialisten (vidrun: Sozialisten & Demokraten (S&D) mat 190 Sëtzer (dovun 1 LSAP),
• Allianz vun den Europäesche Konservativen a Reformisten (AECR) mat 73 Sëtzer (dovun keen ADR),
• Allianz vun de Liberalen an Demokrate fir Europa (ALDE) mat 70 Sëtzer (dovun 1 DP),
• Partei vun der Europäescher Lénk (virdrun: Vereenegt Europäesch Lénk; GUE) mat 52 Sëtzer (dovun keen Déi Lénk),
• Europäesch Gréng Partei (Gréng) mat 50 Sëtzer (dovun 1 Déi Gréng),
• Europa vun der Fräiheet an der direkter Demokratie (EFDD) mat 45 Sëtzer (dovun keen Lëtzebuerger) an
• Bewegung fir en Europa vun den Natiounen an de Fräiheeten (ENF) mat 36 Sëtzer (dovun keen Lëtzebuerger). (Stand: 16. Juni 2015)

D'Europäescht Parlament hält seng Plenarsëtzungen zu Stroossbuerg, an all zousätzlech Sëtzungen zu Bréissel. All Deputéiert ass an engem oder méi vun de 17 Kommissiounen, déi, jee no den Themen, d'Plenarsëtzung preparéieren. Si, wéi och déi verschidde politesch Gruppen, hunn hir Reunioune meeschtens zu Bréissel. D'Generalsekretariat vum Europäesche Parlament ass zu Lëtzebuerg.

Seng Pouvoiren

D'Europäescht Parlament an den Europäesche Conseil deelen d'legislativ Gewalt. Jee no Sujet gëtt et dräi Prozeduren, no deenen des Opdeelung geschitt:

• Fir d'éischt gëtt et d'Prozedur vun der Zesummenaarbecht, déi an der Europäescher Eenheetsakt 1986 agefouert gouf. Dës gesäit vir, datt d'Parlament seng Meenung iwwer Gesetzesprojeten ausdréckt, déi d'Kommissioun proposéiert huet, an d'Kommissioun ännert doropshin hir Propose - oder och net.
• Zweetens gëtt et d'Zoustëmmungsprozedur, déi och 1986 agfouert gouf. Ënner dëser Prozedur muss d'Parlament seng Zoustëmmung ginn bei internationalen Accorden, déi vun der Kommissioun ausgeschafft goufen, bei proposéierten Ausbreedunge vun der EU, an bei anere Sujeten, wéi z. B. der Ännerung vun de Walregelen, fir datt dës a Kraaft kënnen trieden.
• Déi drëtt ass d'Codecisiounsprozedur, déi duerch den Maastricht-Vertrag agefouert gouf. Ënner dëser Ofstëmmungsprozedur huet d'Parlament genee souvill ze soe wéi de Conseil. D'Sujeten, déi ënner dëser Prozedur ofgestëmmt musse ginn, reeche vun der fräier Zirkulatioun vun den Aarbechter, iwwer de Bannemaart, Ëmwelt, Bildung an Erzéiung, Kultur, Transeuropäesch Reseauën bis hin zum Konsumenteschutz. Konkret bedeit dat, datt d'Parlament mat absoluter Majoritéit dem Conseil seng 'Gemeinsam Positioun' ka blockéieren. An deem Fall gëtt probéiert, virun engem Conciliatiounscomité eng Léisung ze fannen. An den Traitéë vun Amsterdam an Nice gouf dës Prozedur op weider 30 Gebidder ausgespreet, wat bedeit, datt d'Parlament no an no ëmmer méi Pouvoire kritt.

D'Parlament an de Conseil deelen och d'Responsabilitéit iwwer d'Adoptioun vum Budget vun der EU: D'Europäesch Kommissioun mécht e Budgetsprojet, deen am Parlament a Conseil debattéiert gëtt. D'Parlament kann de Budget rejetéieren - wat scho méi wéi eemol virkoum; an deem Fall muss déi ganz Prozedur vu vir ugefaange ginn. Deemno huet d'Parlament d'Méiglechkeet, ze beaflossen, wat fir Suë woufir ausgi ginn. Allerdéngs geet bal d'Hallschent vum EU-Budget un d'Landwirtschaft, an iwwer déi Depensen huet d'Parlament näischt ze soen.

Diliff @ WikiCommons

Schliisslech huet d'Parlament d'Kontroll iwwer d'Kommissioun: D'Kommissioun muss d'Vertraue vum Parlament hunn, éier s'iwwerhaapt ufänke ka mat schaffen, a mat enger Zweedrëttel-Majoritéit kann d'Parlament s'och erëm fréizäiteg entloossen. D'Parlament kontrolléiert weiderhin, op d'Kommissioun hir Aarbecht gutt mécht, andeems et d'Rapporte vum Europäesche Rechnungshaff examinéiert, an et kann der Kommissioun, wéi och dem Conseil, mëndlech oder schrëftlech Froen stellen.

LeJC @ WikiCommons

Presidente vum Europaparlament (direkt gewielt) vun 1979 bis haut

Kuckt och

• Institutioune vun der Europäescher Unioun
• Lëscht vun de lëtzebuergeschen Europadeputéierten
• Kueb (Gebai)
• Sacharow-Präis

Um Spaweck

• Haaptsäit vum Europäesche Parlament

Boston9 @ WikiCommons

Евгения Наследскова, тема: Европейский парламент, Страсбург, 2012 — Russian Council @ Flickr

Tukka @ WikiCommons

Luxofluxo @ WikiCommons

Kaihsu @ WikiCommons

Robot8A @ WikiCommons

Boston9 @ WikiCommons

Robot8A @ WikiCommons

Boston9 @ WikiCommons

Tukka @ WikiCommons

Robot8A @ WikiCommons

Vkontakte User @ Vkontakte

Boston9 @ WikiCommons

Robot8A @ WikiCommons

Boston9 @ WikiCommons

Robot8A @ WikiCommons

Boston9 @ WikiCommons