Île des Cygnes

D'Île des Cygnes vum Eiffeltuerm aus gesinn. D’Île des Cygnes, oder och Île aux Cygnes (lëtz.: Schwaneninsel), läit tëscht dem XVe a XVIe Arrondissement vu Paräis, der Haaptstad vu Frankräich, a gouf 1827 geschaf fir den Hafe vu Grenelle virun der Immobilienexpansioun ze schützen. Si däerf net mat der aler Île des Cygnes verwiesselt ginn, vun där hiren Numm och hirkënnt, an déi mam Champ de Mars um Enn vum 18. Joerhonnert verbonne ginn ass.

Op der Insel steet och eng Kopie, wann och méi kleng wéi d'Original, vun der Fräiheetsstatu vun New York.

Dës kënschtlech Insel, déi 850 Meter laang ass, ass zimlech schmuel. Si ass nëmmen 11 Meter breed, an op der ganzer Längt gouf eng Allee geplanzt, d'Allée des Cygnes.

Kopie vun der Fräiheetsstatu op der Île des Cygnes Haut lafen dräi Brécken iwwert d'Île des Cygnes :

• de Pont de Grenelle, eng Stroossebréck am Osten;
• eng Eisebunnsbréck, de Pont Rouelle oder och Pont SNCF-Passy-Grenelle, wou den RER-C driwwer leeft, an déi 1900 fir d'Weltausstellung gebaut gouf, awer vun 1937 bis 1988 net a Betrib war;
• d'Bréck Pont de Bir-Hakeim, Stroossen- an Eisebunnsbréck.

Op der Insel steet d'Eisebunnsbréck fir de Métro op engem Steebou mat allegoresche Statuen (Elektriziéit, Handel, Wëssenschaft an Industrie).

D'Fräiheetsstatu vum Bartholdi gouf de 15. November 1889 ageweiht, dräi Joer no der Statu zu New York (28. Oktober 1886). Dës Statu gouf de Fransouse vun de Vereenegte Staate fir de Centenaire vun der Franséischer Revolutioun geschenkt. Zu dëser Zäit gouf si esou opgestallt, datt si op den Eiffeltuerm gekuckt huet, an huet domadder de Vereenegte Staaten de Réck gedréint. Fir d'Weltausstellung vun 1937 gouf si no Westen ausgeriicht. Op dem Buch, dat si an der Hand hält, steet d'Inskriptioun

Dëst sinn déi respektiv Datume vun der amerikanescher a franséischer Revolutioun.

Cygnes Cygnes Cygnes

ca:Île des Cygnes (París) cs:Île des Cygnes de:Île des Cygnes en:Île des Cygnes fr:Île des Cygnes (Paris) it:Île des Cygnes nl:Île des Cygnes nn:Île des Cygnes pl:Île des Cygnes ru:Лебединый остров sk:Île des Cygnes